Kjære leser,

Hjemmesiden vår støtter dessverre ikke Internet Explorer 11. Får å få den beste opplevelsen på hjemmesiden og av vårt innhold, vil vi be deg om å bruke Edge, Chrome, Safari, eller andre, nyere browsere.

Med vennlig hilsen,
BO BEDRE

Se hva som inspirerer redaktør Cecilie Molvær Jørgensen denne våren

Bærekraftig produksjon, rustikk keramikk og digitale kunstutstillinger er noe av det som inspirerer BO BEDREs redaktør akkurat nå.

© Produsenten

Pop igjen

Sven Ivar Dysthe sin ikoniske Popcorn-stol frå 1968 er no relansert i nye materialar – skall i resirkulert plast eller heilstoppa i tekstil – og i ein tidsriktig fargepalett utvikla av stylist Kirsten Visdal. Slikt gir gamle suksessformlar endå lengre liv.

© Produsenten

Utvidning

Den norske, københavnbaserte arkitekten Danielle Siggerud har eit særskilt auge for kvalitet, materialitet og detaljar. Derfor er kvart nye tilskot til Androgyne-bordserien hennar for Menu ein fryd.

© Produsenten

Unikt

Keramikar Anne Udnes lagar dei vakraste ting i verkstadbutikken sin i Oslo. Akkurat no ynskjer eg meg ein slik gropbrent variant.

© Produsenten

Fin start

Som så mange andre møbelfirma den siste tida, har italienske Mattiazzi lansert si eiga tilbehørslinje, Objects. Det handlaga askefatet Portobello er eit av fem objekt i førstekolleksjonen.

© Produsenten

Nettbasert

Dessverre fekk ikkje Oslo Design Fair opne som planlagt i januar, men takka vere gode bilde og film fekk vi ei digital framsyning av tendensutstillinga Impossible/Possible Vol. 2. Utstillinga var eit samarbeid mellom designduoen Vera & Kyte, billedkunstnar Andreas Siqueland og kurator Kirsten Visdal – og mange fleire. Maksimalistisk og herleg!

Se filmen fra utstillinga her.

© Produsenten

Godt underlag

Koi Fargestudio har gjort det til sin misjon å lage betre – les: meir fargerike – uterom for folk flest. Derfor har dei no utvikla fem nye fargar for heller og belegningsstein saman med ASAK, slik at vi får lunare, meir trivelege omgjevnadar.

© Produsenten

Rusa på farge

Av og til finn eg meg i eit rom, enten fysisk eller virtuelt, der eg kjenner enorm glede. Når eg prøvar å identifisere kva som gjer det, er fargar ofte innblanda. Slik som i dette rommet frå danske Paper Collective, der paletten er sær og rar, men aldeles nydeleg.

© Produsenten

Funksjonell kunst

Først designa til eit utstillingsvindauge i luksusbutikken Browns i London, er Charlotte Kidger sine handlaga bord og pidestallar ein fest for auga.

© Produsenten

Himmelsk

Då eg tilfeldig kom over instagramkontoen til den italiabaserte norske skulptøren Håkon Anton Fagerås, var det som å kome til himmelen. Han lagar dei vakraste skulpturane, som denne leiremodellen frå serien Nomi x 4 av bonusdottera hans med same namn.

© Produsenten

Klassisk

Om eg hadde mange stover, skulle ikoniske Togo av Michel Ducaroy i 1973 ha pryda ei av dei. I denne fargen.

© Produsenten

Virtuelt

I fjor hadde Sigve Knutson eit kunstnaropphald i Buenos Aires, der han i lag med fire andre nordiske kunstnarar/designarar/kunsthandverkarar arbeidde fram verk i lag med lokale produsentar. Resultatet blei utstillinga Quick Tiny Shows #6: PN1, som kan nytas digitalt no.

© Produsenten

Lækjande

Keramikar Patricia Perales García er inspirert av nigerianske tradisjonelle skulpturar opphavleg meint for å drive sjukdom ut av pasientar. Med utgangspunkt i dette har ho laga sine eigne vakre steintøyvariantar.

© Produsenten

Materialleik

Herrane i Sløyd har utforska treverk si evne til å absorbere farge gjennom eit sjølvlaga vakuumsystem. Materialutforskinga har resultert i fire skulpturar som viser potensialet og dei estetiske kvalitetane i metoden.

© Produsenten

Tilpassa

Royal Copenhagen har lansert heilt nye, meir moderne Blueline, som skal inspirere folk til å bruke fint servise òg til kvardags. Eg let meg lett overtale.

Relaterte artikler